العمة : يا ميمتي شو بدك تدفني حياتك عشانهم؟؟
الأخت: يعني شو المطلوب مني؟ بدك اتزوج؟ بديش هل الزيجة كلها؟
العمة: تفي من تمك ...ليش بتفاولي على حالك هيك ؟
الأخت : يعني بالله عليكي شو بدي بهل الموضوع .... هايني ست بيت وعم اربي اخواتي .... يعني عاطفة الامومة واصلة مواصيلها
العمة: هههههه ... يا عمتي يا حبيبتي الزواج مش هيك
الاخت: يا عمتي خلي الزيجة لغيري .... و أصلا ما مرق سنة على وفاه امي
العمة : طيب شو في هل العريس... مهندس زراعي.....وبدو يكمل دكتوراه .... وبشتغل بمزرعة دواجن وبيجي لعمان 6 ايام بالشهر .....و......
الأخت : خلص .....خلص جيبيه خل نشوف اخرتها
...............................................................................
في اليوم الموعود
بعد 5 دقائق فقط من تشريف العريس وأمه
ام العريس: ما شاء الله يخزي العين عنك يا امورة ...... انشالله اذا صار نصيب بتتحجبي أه؟
الأخت : لا تعليق
الاخ الكبير لحق الاخت للمطبخ: اختي اختي اسمعي والله شكلو الشب محترم قاعد عم يسبح
الأخت : لا تعليق
الأخ الصغير لحق الاخت للمطبخ : اختي اختي ... اخو العريس الصغير زنخ وما بيستقبل ولا بيرسل وقال بيعرف حسين السلمان اللي بغني
الأخت: لا تعليق
العمة الصغيرة : يووووووه يختي شو هل العريس اللي جايبتيه والله انه مش حلو
العمة الكبيرة: اسكتي ماله والله انه متل فلقة القمر ولا شو رأيك يا عروس
الأخت وابتسامتها مش بس صفرا وبنفسجية وخضرا كمان: بدي نظاراتي مش شايفته منيح
العمة الكبيرة: لأ بلاش ... يعني لازم تلبسيها؟؟ خليهم يشوفو عيونك الحلوة الكبيرة
الأخت: طيب وانا كيف بدي اشوف خلقته
العمة الكبيرة: خديها وحطيها على راسك متل الطوق وبعدين ابلشي نزليها شوي شوي على عيونك عشان ما ينتبهوا
الأخت: اخرته يعرف اني بلبس نظارات
...........................................................................
ام العريس للعمة الكبيرة: اي والله عروستنا الحلوة عجبتنا بس اقنعيها تتحجب
الاخت بابتسامة مزمومة ونظرة كلها لطف وبتحكي لحالها: اي اصلا مش لازم اوافق بالأول عليكو ..
العريس واخيرا نطق: وين درستي ؟؟
الاخت : حكينا وين درست ما سمعت؟؟؟
العريس : اه تذكرت
الأخت مع حالها: يخزي العين عنك .... يحرسك لأمك ..... اي بدي اقوم اطبش الكاسات على راسك ....... هادا جاي يخطب ولا جاي يفرجينا انه بسبح و متدين وكمان مش سامع الحكي ....مش فاضيلنا....هو هيك اللي بدو يورجي حاله؟؟
ام العريس: والله ابني الكبير لما اتزوج اتصلت تاني يوم عرسه فيه وسألته طبختلك العروس؟؟ حكالي : لأ ؟ وحكيتلو يا حبيبي يا ابني هيني جاي... ولفيت هل العباية علي ورحت جراي اطبخله وعملتله معكرونة ........ انت كيف الطبخ معك؟
الأخت مع حالها: هادا اللي طلع معك معكرونة وبدك تطبخ عروسة ابنك تاني يوم عرسها يا سلام
الأخت : والله يا خالتي انه طبخي مش زاكي
العمة الكبيرة : له له ليش بتحكي هيك ... لا تردي عليها طبخها بيجنن
الأخت مع حالها: وبعدين ما بدهم يروحو والله طلعت روحي
استجاب القدر واخيرا....
ام العريس : انشالله توافقي يا حلوة واصير حماتك.....
الأخت مع حالها: تصيري حماتي؟ يعني مش اصير مرت ابنك يا سلام ليش ما انت تتزوجيني؟؟
.............................................................
العمة للأخت: شو مالك يا عروس ليش هيك صافنة ومتفاجئة شو مالك انخرستي
الأخت فقعت من الضحك والدموع فقعت من عينيها كمان وأشرت على الأرض وهي مصدومة
الكل ركض على مكان التأشيرة وفقعو من الضحك
العمة الكبيرة : شوووووووووووهادا ؟؟يا خبتي .. ريشة دجاجة؟؟؟؟؟؟
الأخت : اه يا عمتي ريشة دجاجة .... شكلو حب يثبتلي انه مهندس زراعي او شكلو مخبيلي جاجة بجيبتو ........ اسمعوا هادا اول عريس بيجيني وانا قررت اسميه عريس الريشة .......... :)
الأخت: يعني شو المطلوب مني؟ بدك اتزوج؟ بديش هل الزيجة كلها؟
العمة: تفي من تمك ...ليش بتفاولي على حالك هيك ؟
الأخت : يعني بالله عليكي شو بدي بهل الموضوع .... هايني ست بيت وعم اربي اخواتي .... يعني عاطفة الامومة واصلة مواصيلها
العمة: هههههه ... يا عمتي يا حبيبتي الزواج مش هيك
الاخت: يا عمتي خلي الزيجة لغيري .... و أصلا ما مرق سنة على وفاه امي
العمة : طيب شو في هل العريس... مهندس زراعي.....وبدو يكمل دكتوراه .... وبشتغل بمزرعة دواجن وبيجي لعمان 6 ايام بالشهر .....و......
الأخت : خلص .....خلص جيبيه خل نشوف اخرتها
...............................................................................
في اليوم الموعود
بعد 5 دقائق فقط من تشريف العريس وأمه
ام العريس: ما شاء الله يخزي العين عنك يا امورة ...... انشالله اذا صار نصيب بتتحجبي أه؟
الأخت : لا تعليق
الاخ الكبير لحق الاخت للمطبخ: اختي اختي اسمعي والله شكلو الشب محترم قاعد عم يسبح
الأخت : لا تعليق
الأخ الصغير لحق الاخت للمطبخ : اختي اختي ... اخو العريس الصغير زنخ وما بيستقبل ولا بيرسل وقال بيعرف حسين السلمان اللي بغني
الأخت: لا تعليق
العمة الصغيرة : يووووووه يختي شو هل العريس اللي جايبتيه والله انه مش حلو
العمة الكبيرة: اسكتي ماله والله انه متل فلقة القمر ولا شو رأيك يا عروس
الأخت وابتسامتها مش بس صفرا وبنفسجية وخضرا كمان: بدي نظاراتي مش شايفته منيح
العمة الكبيرة: لأ بلاش ... يعني لازم تلبسيها؟؟ خليهم يشوفو عيونك الحلوة الكبيرة
الأخت: طيب وانا كيف بدي اشوف خلقته
العمة الكبيرة: خديها وحطيها على راسك متل الطوق وبعدين ابلشي نزليها شوي شوي على عيونك عشان ما ينتبهوا
الأخت: اخرته يعرف اني بلبس نظارات
...........................................................................
ام العريس للعمة الكبيرة: اي والله عروستنا الحلوة عجبتنا بس اقنعيها تتحجب
الاخت بابتسامة مزمومة ونظرة كلها لطف وبتحكي لحالها: اي اصلا مش لازم اوافق بالأول عليكو ..
العريس واخيرا نطق: وين درستي ؟؟
الاخت : حكينا وين درست ما سمعت؟؟؟
العريس : اه تذكرت
الأخت مع حالها: يخزي العين عنك .... يحرسك لأمك ..... اي بدي اقوم اطبش الكاسات على راسك ....... هادا جاي يخطب ولا جاي يفرجينا انه بسبح و متدين وكمان مش سامع الحكي ....مش فاضيلنا....هو هيك اللي بدو يورجي حاله؟؟
ام العريس: والله ابني الكبير لما اتزوج اتصلت تاني يوم عرسه فيه وسألته طبختلك العروس؟؟ حكالي : لأ ؟ وحكيتلو يا حبيبي يا ابني هيني جاي... ولفيت هل العباية علي ورحت جراي اطبخله وعملتله معكرونة ........ انت كيف الطبخ معك؟
الأخت مع حالها: هادا اللي طلع معك معكرونة وبدك تطبخ عروسة ابنك تاني يوم عرسها يا سلام
الأخت : والله يا خالتي انه طبخي مش زاكي
العمة الكبيرة : له له ليش بتحكي هيك ... لا تردي عليها طبخها بيجنن
الأخت مع حالها: وبعدين ما بدهم يروحو والله طلعت روحي
استجاب القدر واخيرا....
ام العريس : انشالله توافقي يا حلوة واصير حماتك.....
الأخت مع حالها: تصيري حماتي؟ يعني مش اصير مرت ابنك يا سلام ليش ما انت تتزوجيني؟؟
.............................................................
العمة للأخت: شو مالك يا عروس ليش هيك صافنة ومتفاجئة شو مالك انخرستي
الأخت فقعت من الضحك والدموع فقعت من عينيها كمان وأشرت على الأرض وهي مصدومة
الكل ركض على مكان التأشيرة وفقعو من الضحك
العمة الكبيرة : شوووووووووووهادا ؟؟يا خبتي .. ريشة دجاجة؟؟؟؟؟؟
الأخت : اه يا عمتي ريشة دجاجة .... شكلو حب يثبتلي انه مهندس زراعي او شكلو مخبيلي جاجة بجيبتو ........ اسمعوا هادا اول عريس بيجيني وانا قررت اسميه عريس الريشة .......... :)
هناك ١٦ تعليقًا:
المشكله انه بيجي العريس و بجيب معه كل عيلته والجيران واهل الحي, لا بتعرفي تحكي معه ولا تكوني صوره عن شخصيته.
و بتيجي الام بتفكر ابنها لا صار ولا حيصير زيو و هو النضوه ابن النضوه, الغالي ابن الغاليه.
بعدين شو بالنسبه لتلئيح الحكي
طبخ وحجاب و مش عارفه شو
واضح ان الام ما راح تغلّبك بالمره والعريس شخصيته بتجنن :$
والله يا نانا انتى دمك سكر
بس عندنا فى مصر بنقول عن الى بيسبح قدام الناس او ماسك مسبحه انه بدون اخلاص
عاوز الناس تعرف انه متدين
لكن المتدين فعلا ما يهمع رأى الناس
اسلوبك فى كتابه السيناريو رائع
والخربوشه دى جميله اوى
وحماتك عسل عسل عسل ياله توكلى على الله
تسلم ايدك
تحياتى
ههههههههههه
نانا ذكرتيني بأفلام االخطبه تاعتي
يا بنتي أنا مر علي عيّنات؛ لازم أعمل عنهم مجلّد بس تا أروق شوي:)
بس جد النظوه على قولة ويسبر الله يخليه لأمو؛ واضح إنو أمه هي اللي بتقيم وهي اللي بتحط؛ بدكيش هالجيزه أريح:)
ههههههههههههههههه زكرتيني بالذي مضى
مغامراتي مع عرسان الغفله اما حلوة هاي بتزكرني في حالي لما كنت في نفس الموقف الله يعين ويعين على هيك حماة بس جد حلو
اول شي
مرحبا
تاني شي
مبروك الخربوشه الجديده
تالت شي
هههههههه يعني ليش مستقلعه كل هالقد والله حرام هيك يعني خلص بكلمتين جامدات بالعضل مفادهم اختصرني واقلب وجهك ,بدون ما تضلي تحكي بينك وبين حالك
:)
بس احكيلك شغله,لما وصلت عند الريشه فكرت انها واقعه من الحماي يعني مرات بوصفو الكنه والحماي بالجاجات لما يطاوشو واخر شي طلعت من العريس ومعناتها انو العريس طاااار خلص p:
بس هلأ عنجد عنجد من وينلكم الريشه؟
بوست ممتع .. كأنك بتكتبي مغامرات زي مدونة "عايزة أتجوز" بس النسخة الأردنية .. ههههه
فيه عرسان تاني بعد كده؟
هاهاهاا .. و الله ضحكت على الريشة ,,, هاهااا...
ما بدك هالجيزة ,, الظاهر إمه حماي من الآخر ,,,لووووول
لسه بجوز حكت عم إبنها ... بس أنا لما يجوا بحكوا عن كل المواضيع إلا عن إبنهم ,,, هاهاا .,,
I will write in English ba3id Idhnik
Very lovely story .. i think so many things happen during these visits .. I noticed that many girls make fun of the guy after he leaves even if he ends up to be the right candidate :)
ويسبر
انا مش معارضة الحجاب بس الموضوع مش هيك بيجي .... يلا على كل حال كل شي نصيب وبعدين بالله عليكي في عروس بتطبخ تاني يوم عرسها؟؟؟؟
ممكن
انت اللي دمك عسل
كل بنت بتحب تاخد واحد متدن على الاقل يعرف ربنا بس الموضوع مش كده انه يجي عشان يخطب وحده ويقعد يسبح ويفهمها انه متدين بصراحة انا بعتبر هل الشي رياء مش هيك؟
المهم انا توكلت على الله ورفضت
شكرا على الزيارة
مياسي
طبعا بديش هل الزيجة انا اصلا من اول خمس دقايق حسمت موقفي
يلا انا بستنى نهفاتك
مرحبا سوزان
عن جد هاي المواقف مع انها بايخة بس حلوة لانها بتصير ذكريات جميلة ومضحكة
يلا اكتبيلنا شي موقف من اللي صارو معك
انوس
الريشة من العريس طبعا لانه حضرتو جاي من شغله مباشرة عنا وهو بشتغل بمزرعة دواجن
ودخلك يعني من وين بدها تيجي ؟؟؟
في تفسير تاني؟؟
بعدين هو نطق بغير هل السؤال اللي سألني اياه: وين درستي؟ بالرغم من اني كنت حاكية الجواب قبل دقيقتين بس الاخ مش فاضي
هلا والله بانوس
يا مراكبي
اهلا بيك وشكرا على الزيارة
على فكرة انا مدونتي رح تكون عبارة عن مغامرات متنوعة مش بس عن العرسان يعني عن واقع حياة باكمله
وشكرا
vagueraz
والحمايه حكت عن العيلة كلها حتى شو بتقولي : بناتي كمان مش متحجبات بس لما الواحدة تدخل عش الزوجية بتتحجب على طول وكأنه الحجاب مربوط بالزواج
انا مش فاهمة هل المنطق
يلا كل شي نصيب
هلا امجد
انت بتمون باي لغة اكتب
بدك تقنعني انه مافي شباب بيعملو قصص بعد ما يقابلو بنات؟؟
وشكرا على تعديل الاخطاء الفنية اللي صارت
وشكرا على بوكيه الورد .... صار واصل
إرسال تعليق